یوم دفاع، پنجاب رینجرز نے خصوصی پلان تیار کر لیا، پرچم اتارنے کی تقریب شام 5 بجے ہوگی

شیعہ نیوز ( پاکستانی شیعہ خبر رساں ادارہ)پاکستان رینجرز پنجاب نے یوم دفاعِ پاکستان جوش و خروش سے منانے کیلئے تیاریاں مکمل کرلیں، واہگہ بارڈر پر پرچم اُتارنے کی پُروقار تقریب شام 5 بجے ہوگی۔

زرائع کے مطابق پاکستان رینجرز پنجاب نے یوم دفاعِ وطن جوش و خروش سے منانے کیلئے پلان جاری کر دیا ہے۔ ڈی جی رینجرز پنجاب میجر جنرل عمر فاروق برکی صبح ساڑھے 7 بجے یادگار شہداء پر پھولوں کی چادر چڑھائیں گے جبکہ واہگہ بارڈر پر پرچم اُتارنے کی پُروقار تقریب شام 5 بجے ہوگی۔ ترجمان رینجرز کے مطابق شہری کسی بھی تکلیف سے بچنے کیلئے 2 بجے تک پریڈ گراونڈ کا رُخ کریں تاکہ متوقع رش سے بچ سکیں۔ ڈی جی رینجرز پنجاب میجر جنرل عمر فاروق برکی تقریب میں خصوصی طور پر شرکت کریں گے۔