عید میلاد النبی (ص) و امام جعفرصادقؑ کی مناسبت سے کراچی میں جشن کا سماں

شیعہ نیوز (پاکستانی شیعہ خبر رساں ادارہ) کراچی کے مختلف شہروں میں جشن ولادت باسعادت سرور کائنات حضرت محمد مصطفیٰ (ص) اور امام جعفر صادق علیہ سلام کی مناسب سے محفل میلاد اور جلوس کا اہتمام کیا گیا، ساتھ ہی امامبارگاہ اور مساجد کو بھی برقی قمقوں سے خوب انداز میں سجایا گیا ہے۔

شب 17 ربیع الاول بھی مختلف علاقوں میں محافل کا اہتمام کیا گیا، اس سلسلے میں کراچی کے علاقے انچولی سوسائیٹی میں محفل میلاد اور جلوس کا انعقاد کیا گیا، محفل میلاد میں سکھر سے حب علی نے خصوصی شرکت کی اور نذرانہ عقیدت پیش کیا جبکہ معرف ثناء خوان امجد صابری نے اپنے مخصوص انداز میں نعت خوانی کی۔ اس کے علاوہ یاسر رضا یاسر،مختار حسین،وجیہ الحسن زیدی،قسیم زیدی،کمیل عباس،اظہار نقوی اور علی مہدی نے بارگاہ رسالت و ولایت میں نذرانہ عقیدت پیش کیا، بعد از میلاد جلوس میلاد برآمد ہوا جو شاہراہ پاکستان، علامہ رشید ترابی پارک سے ہوتا ہوا انچولی سوسائیٹی میں اختام پذیر ہوز۔

اسی طرح جعفرطیار سوسائٹی میں بھی شب ولادت رسول اللہ (ص) اور امام صادق (ع) کی مناسبت سے محفل میلاد و جلوس ولاء نکالا گیا، محفل میلاد مرکزی مسجد میں منعقد ہوا بعد از جلوس ولاء مرکزی مسجد سے براستہ غازی چوک نادعلی اسکوائر پر اختتام پذیر ہوا، جلوس ولاء میں مولانا شیخ صلاح الدین، مولانا صادق تقوی اور مولانا نسیم حیدر نے شرکت کی اور شرکاء سے خطاب کیا جبکہ معروف نوحہ خوان و منقبت خواں، شادمان رضا، صبیب عابدی، صفدر کلیم، نیئر رضا اور دیگر نے جلوس ولاء میں نعت خوانی پیش کی۔ اس موقع پر علم کمیٹی کی جانب سے رسول اللہ کا خوب صورت علم بھی لایا گیا۔ جبکہ انجمن سجادیہ کی جانب سے ولادت معصومین (ع) کی خوشی میں آتش بازی بھی کی گئی۔