پاک فضائیہ دہشت گردی کے خلاف جنگ میں اہم کردارادا کررہی ہے،ایئرچیف مارشل

شیعہ نیوز (پاکستانی شیعہ خبر رساں ادارہ )پاک فضائیہ کےسربراہ ایئرچیف مارشل سہیل امان کا کہنا ہے کہ پاک فضائیہ دہشت گردی کے خلاف جنگ میں اہم کردار ادا کررہی ہے۔

ان خیالات کا اظہار پاک فضائیہ کے سربراہ ایئرچیف مارشل سہیل امان نےپاکستان ایئرفورس اکیڈمی رسال پورمیں 116 ویں نان جی ڈی کیڈٹس کی پاسنگ آؤٹ پریڈ سے خطاب کرتےہوئےکیا۔ ایئرچیف مارشل سہیل امان نے کہا کہ پی اے ایف اکیڈمی میں تربیت کا معیارقابل تعریف ہے، وہ تمام کیڈٹس کوٹریننگ مکمل ہونے پرمبارک باد پیش کرتے ہیں،اس موقع پرپاس ہونے والے کیڈٹس کے والدین بھی مبارک باد کے مستحق ہیں۔ پاک فضائیہ دہشت گردی کے خلاف جنگ میں اہم کردارادا کررہی ہے۔

عراقی فضائیہ کے سربراہ لیفٹیننٹ جنرل انورحامد امین نے اپنے خطاب میں کہا کہ انہیں اس پریڈ میں شمولیت پر دلی خوشی ہے، یہ تقریب گریجویٹس کی سخت محنت کا نتیجہ ہے، پاکستان کے گریجویٹس مبارک باد کے مستحق ہیں،اس کے علاوہ وہ عراقی افسروں کو تربیت مکمل کرنے پر بھی مبارک باد پیش کرتے ہیں، پاکستان اورعراق کے درمیان تعلقات مضبوط رشتے سے بندھے ہوئے ہیں، عراق نے 1947 میں پاکستان کو تسلیم کیا، مستقبل میں دونوں ملکوں کے تعلقات مزید مضبوط ہوں گے۔