جنرل قاآنی کی قائم مقام وزیرخارجہ باقری کنی سے ملاقات، شہید عبداللہیان کو خراج تحسین
شیعہ نیوز: القدس فورس کے سربراہ نے عبوری وزیرخارجہ باقری کنی سے ملاقات کی اور شہید عبداللہیان کی خطے میں مقاومت کے لئے خدمات کو خراج تحسین پیش کیا۔
رپورٹ کے مطابق سپاہ پاسداران انقلاب اسلامی کی القدس فورس کے سربراہ میجر جنرل اسماعیل قاآنی نے ایرانی وزارت خارجہ کے دفتر میں عبوری وزیرخارجہ علی باقری کنی سے ملاقات کی اور فلسطین سمیت خطے کی تازہ ترین صورت حال پر تبادلہ خیال کیا۔
یہ بھی پڑھیں : انتونیو گوتریس کی جانب سے صیہونی حکومت کے جرائم کی مذمت
ملاقات کے دروان جنرل قاآنی نے شہید وزیرخارجہ امیر عبداللہیان کو ان کی بہترین سفارت کاری اور فلسطین سمیت خطے کے مستضعفین کے لئے خدمات پر خراج تحسین پیش کیا۔
اس موقع پر عبوری وزیرخارجہ علی باقری نے جنرل قاآنی کی وزارت خارجہ آمد کا شکریہ ادا کرتے ہوئے کہا کہ دفاعی اور سفارتی شعبوں کے درمیان ہماہنگی اور تعاون ملکی ترقی کے دو پر ہیں جن کے ذریعے ملک ترقی کرتا ہے۔
انہوں نے کہا کہ مقاومت صرف ظلم اور ناانصافی کے خلاف جہاد کی تحریک نہیں ہے بلکہ یہ ایک کامیاب اور کارامد حکومت کا عملی نمونہ ہے۔
