غزہ مارچ لاہور نے احتجاج اور وحدتِ اُمت کی نئی تاریخ رقم کردی، لیاقت بلوچ

شیعہ نیوز: نائب امیر جماعت اسلامی، سیکرٹری جنرل ملی یکجہتی کونسل لیاقت بلوچ نے غزہ مارچ لاہور کے عظیم الشان انعقاد پر زندہ دِلانِ لاہور، مرد و خواتین، نوجوانوں، طلبہ و طالبات اور بچوں کی عظیم شرکت پر اللہ کا شکر کرتے ہوئے کہا کہ اُمت کی بیداری کے شاندار اظہار پر جماعت اسلامی لاہور کی قیادت اور ٹیم نے محنت کا حق ادا کردیا۔ غزہ مارچ لاہور نے احتجاج اور وحدتِ اُمت کی نئی تاریخ رقم کر دی ہے۔ مسئلہ فلسطین، مسئلہ کشمیر حل کیے بغیر دنیا میں امن قائم نہیں ہو سکتا۔ پوری دنیا بربادی، عالمی جنگ، ایٹمی اسلحہ کے استعمال کی طرف بڑھتی چلی جا رہی ہے۔ جوبائیڈن، نیتن یاہو، رشی سونک اور نریندر مودی جنگی مجرم ہیں۔ غزہ پر گرنے والے ہر بم دھماکہ کی آواز دنیا میں ہر جگہ سُنی جا رہی ہے۔