کراچی، عزاداری ونگ ایم ڈبلیو ایم کا ضلع ملیر کی مساجد و امام بارگاہوں کا دورہ
شیعہ نیوز (پاکستانی شیعہ خبر رساں ادارہ) مجلس وحدت مسلمین عزاداری ونگ کراچی ڈویژن نے شہر بھر میں ملاقاتوں کا آغاز کردیا۔ پہلے مرحلے میںضلع ملیر کی مساجد و امام بارگاہوں کے ٹرسٹیز سے ملاقاتیں کی گئیں۔
تفصیلات کے مطابق عزاداری ونگ صوبہ سندھ کے صدر زین رضا رضوی، عزاداری ونگ کراچی ڈویژن کے صدررضی حیدر رضوی، ڈویژنل نائب صدر علامہ نشان حیدر ساجدی سمیت ڈویژنل و ضلعی عزاداری ونگ کے رہنماوں نےضلع ملیر میں مساجد و امام بارگاہوں کے ٹرسٹیز سے ملاقاتیں کیں۔
عزاداری ونگ کے رہنماؤں نے مرکزی امام بارگاہ جعفر طیار میں غازی عباس ؑ ٹرسٹ، امام بارگاہ سلمان فارسی میں سلمان فارسی ٹرسٹ، امام بارگاہ در زہرا ؑ میں امام بارگاہ کی انتظامیہ، عزاخانہ عابدیہ عمار یاسر سوسائٹی کی انتظامیہ، مسجد و امام بارگاہ باب الحوائج غازی ٹاؤن کی ٹرسٹ اور مسجد و امام بارگاہ حسینی سفارتخانہ کی ٹرسٹ فنا فی الحسین سے ملاقاتیں کیں۔
یہ خبر بھی پڑھیں ایم ڈبلیو ایم عزاداری ونگ، زین رضوی صوبہ سندھ اور رضی حیدر کراچی کے صدر منتخب
اراکین ٹرسٹ نے عزاداری ونگ ایم ڈبلیو ایم کے رہنماؤں کو درپیش مسائل سے آگاہ کیا جس پر عزاداری ونگ کے رہنماؤں نے مسائل کے حل کیلئے تمام وسائل بروئے کار لانے کا یقین دلایا۔
عزاداری ونگ ایم ڈبلیو ایم نے مسائل کے حل کیلئے علاقائی سطح پر کمیٹیاں شکیل دینے کیلئے ٹرسٹیز سے تعاون کی اپیل کی جس پر تمام ٹرسٹیز نے کھلے دل سے تعاون کی یقین دہانی کروائی۔
