کندھ کوٹ میں ریلوے ٹریکس پر حملوں کا منصوبہ ناکام، 2 تکفیری دہشتگرد گرفتار

شیعہ نیوز ( پاکستانی شیعہ خبر رساں ادارہ )اندرون سندھ میں دہشتگردی کی واردات کو پولیس نے ناکام بنا دیا۔ کندھ کوٹ میں پولیس نے کارروائی کر کے 2 تکفیری دہشتگردوں کو گرفتار کر لیا۔

زرائع کے مطابق ایس ایس پی کشمور فدا حسین نے ایک ہنگامی پریس کانفرنس کے دوران میڈیا کے نمائندوں سے بات کرتے ہوئے بتایا کہ گرفتار تکفیری دہشتگردوں کے قبضے سے 5 کلو دھماکا خیز مواد برآمد ہوا ہے۔ گرفتار تکفیری دہشتگرد ریلوے ٹریک پر حملوں کی منصوبہ بندی کر رہے تھے۔ایس ایس پی فدا حسین نے مزید بتایا کہ گرفتار ہونے والے دونوں دہشتگردوں کا تعلق ملک دشمن، اسلام دشمن کالعدم تکفیری دہشتگرد گروہ سپاہِ صحابہ (اہلسنت و الجماعت) سے ہے۔

پولیس اور حساس اداروںنے گرفتار تکفیری دہشتگردوں کے دیگر دہشتگرد ساتھیوں کی تلاش کے لیے سرچ آپریشن کا آغاز کردیا ہے۔