جعفر آباد، سوئی کی سرحدی پٹی پٹ فیڈر کے قریب تحزیب کاری کی کوشش، 20 کلو وزنی بم برآمد

شیعہ نیوز (کوئٹہ) سوئی کی سرحدی پٹی پٹ فیڈر کے قریب تخریب کاری کی کوشش پولیس نے ناکام بنادی اور علاقے کو تباہی سے بچا لیا بم ڈسپوزل اسکواڈ کی کاروائی بروقت اطلاع ملنے پر 20 کلو وزنی بم برآمد کرکے ناکارہ بنادیا، علاقے میں شدید خوف و ہراس کی صورتحال پیدا ہوگئی۔ تفصیلات کے مطابق جعفرآباد اور سوئی کی سرحدی پٹی پٹ فیڈر کے علاقے دودا ٹبہ تھانے کی حدود گوٹھ یارا بگٹی میں گاؤں مکینوں کی جانب سے بارودی مواد کی اطلاع ملنے پر مقامی پولیس جائے وقوعہ پہ پہنچ گئی اور علاقے کو مکمل سیل کرکے بم ڈسپوزل اسکواڈ کو طلب کرلیا۔بم ڈسپوزل اسکواڈ نے زیر زمین بچھائی گئی بارودی مواد کو ناکارہ بنا دیا بم ڈسپوزل اسکواڈ کی ٹیم کے مطابق بم 20کلو وزنی تھا۔ بم تخریب کاری کے لیئے استعمال کیا جانا تھا بم ڈسپوزل اسکواڈ نے بم ناکارہ کرکے مزید بارودی مواد کی تلاش شروع کردی ہے، واقع کے بعد علاقے میں شدید خوف و ہراس کی صورتحال ہے اور گاؤں مکین سر شام ہی سے اپنے گھروں میں محصور ہوگئے ہیں، بچوں اور خواتین کے گھروں سے باہر نکلنے پر بھی خصوصی پابندی لگادی گئی ہے