پاکستانی شیعہ خبریں
حقوق مانگنے سے نہیں ملتے بلکہ آگے بڑھ کر چھیننے پڑتے ہیں .علامہ ناصر عباس جعفری
حقوق مانگنے سے نہیں ملتے بلکہ آگے بڑھ کر چھیننے پڑتے ہیں، طبقاتی تفریق کے خاتمہ کے لیے نظام کی تبدیلی ضروری ہے، علامہ ناصر عباس جعفریایم ڈبلیو ایم کے مرکزی سیکرٹری جنرل نے کہا کہ حقوق مانگنے سے نہیں ملتے بلکہ آگے بڑھ کر چھیننے پڑتے ہیں، اگر مظلوم اور غربت و افلاس کی چکی میں پسنے والا طبقہ متحد ہو کر منظم طریقہ سے جدو جہد کرے تو اپنے حقوق حاصل کر سکتا ہے، انہوں نے مظاہرین کو ہدائت کی کہ منظم طریقہ جمہوری انداز میں اپنی جدوجہد جاری رکھیں، انشاء اللہ کامیابی تمہارے قدم چومے گی۔ علامہ ناصر عباس جعفری نے کہا کہ ظلم کے خلاف آواز بلند نہ کرنا ظالم کی حمائت کے زمرے میں آتا ہے اس لیے پارہ چنار کے مکینوں پر ڈھائے جانے والے مظالم کے خلاف ہر سطح پر آواز بلند ہونی چاہیے، انہوں نے اس امر پر افسوس کا اظہار کہا کہ گذشتہ چار سالوں سے ایک ایسے علاقے کے راستے بند ہیں جہاں کے لوگ انتہائی پڑھے لکھے اور پرامن ہیں عجیب بات ہے سیکورٹی فورسز پر حملے کرنے والے دہشت گردوں سے مذاکرات کیے جاتے ہیں لیکن مظلوم طبقہ کو پوچھا تک نہیں جاتا، علامہ ناصر عباس جعفری نے کہا کہ ہم ملک کی نظریاتی و جغرافیائی سرحدوں کے محافظ ہیں، اس لیے کسی ایسی موومنٹ کی حمائت نہیں کریں گے جس سے ملک و قوم کو خطرات لاحق ہو سکتے ہوں، اسلامی جمہوری پاکستان کے شیعیان حیدر کرار نے ملک و قوم کے خلاف کبھی بھی سازش نہیں کی، ہمیشہ ملکی سالمیت و استحکام کے لیے کام کیا اور انشاء اللہ آئندہ بھی اپنی یہ شاندار روایات برقرار رکھیں گے۔
انہوں نے کہا کہ امریکی کولیشن نے پاکستانی قوم کو ذلیل و رسوا کر دیا، اگر لشکر بنانے سے قوموں کو تحفظ مل سکتا، تو فوج کی ضرورت ہی باقی نہ رہتی، ملک کا تحفظ فوج کی ذمہ داری ہے، لشکروں کے ذریعے ملک و قوم کی حفاظت ممکن نہیں، لشکروں نے ہمیشہ ملک و قوم کو نقصان پہنچایا اور ہمارا بدامنی و انتشار کے دہانے پر کھڑا ہے۔ انہوں نے کہا کہ اس ملک کو امن و سکون لوٹانا ہم سب کی ذمہ داری ہے، آج سب سے زیادہ اس بات کی ضرورت ہے کہ اپنے وطن کوامن کا گہوارہ بنائیں۔
