اسپین نے اسرائیل کو میڈرڈ فوجی نمائش میں شرکت سے روک دیا

شیعہ نیوز: اسپین کی حکومت نے غزہ اور لبنان کے خلاف صیہونی حکومت کی وحشیانہ جارحیت کے ردعمل میں میڈرڈ میں ہونے والی فوجی نمائش میں اس رجیم سے وابستہ سے کمپنیوں کی شرکت پر پابندی لگا دی۔

فلسطین الیوم کی ویب سائٹ نے خبر دی ہے کہ اسپین کے وزیر دفاع نے ایک بیان میں فلسطین اور لبنان میں قیام امن کے لیے ملک کے عزم کا اظہارکرتے ہوئے کہا: اسرائیل اور اس کی فوجی کمپنیوں کو میڈرڈ 2025 نمائش میں شرکت سے منع کیا گیا ہے۔

یہ بھی پڑھیں : ایران اسرائیل پر جوابی حملے کی تیاری کررہا ہے، امریکی ذرائع ابلاغ

میڈرڈ ملٹری انڈسٹری نمائش دنیا میں دفاعی صنعت کی 10 بڑی نمائشوں میں سے ایک ہے۔ اس سے قبل فرانسیسی صدر نے صیہونی حکومت پر پیرس کی فوجی نمائش میں شرکت پر پابندی عائد کر دی تھی۔