ایران کا جوہری پروگرام بدستور محفوظ و برقرار ہے، نیویارک ٹائمز کا اعتراف

شیعہ نیوز: نیویارک ٹائمز نے اعتراف کیا ہے کہ ایران کا جوہری پروگرام، صہیونی رژیم کے حملوں کے باوجود، بدستور محفوظ اور بغیر کسی سنجیدہ نقصان کے برقرار ہے۔

رپورٹ کے مطابق امریکی روزنامہ نیویارک ٹائمز نے اپنی ایک رپورٹ میں لکھا ہے کہ اسرائیل کی جانب سے نطنز کے جوہری مراکز پر حملے اور ایرانی جوہری ماہرین کی ٹارگٹ کلنگ کے باوجود تہران کا جوہری پروگرام متاثر نہیں ہوا۔

ایٹمی توانائی ایجنسی کے ترجمان بہروز کمالوندی نے ان حملوں کے بعد کہا کہ نطنز، فوردو اور اصفہان کے جوہری مراکز پر حملے کیے گئے، جن میں نطنز میں صرف سطحی ڈھانچے کو معمولی نقصان پہنچا، کیونکہ زیادہ تر اہم تنصیبات زیر زمین واقع ہیں۔

یہ بھی پڑھیں : اسرائیل پر ایرانی میزائل حملوں میں 4 افراد ہلاک، 200 زخمی

انہوں نے مزید کہا کہ نطنز میں ایک معمولی مقدار میں داخلی اخراج ہوا، لیکن وہ بیرونی ماحول تک نہیں پہنچا۔

ایران کے نائب صدر اور ایٹمی توانائی تنظیم کے سربراہ محمد اسلامی نے بھی تصدیق کی کہ نطنز میں واقع شہید احمدی روشن جوہری مرکز کو نشانہ بنایا گیا۔ ان کا کہنا تھا کہ یہ حملے منظم اور بار بار کیے گئے، اور حملہ آوروں کا مقصد منصوبہ بندی کے تحت زیادہ سے زیادہ نقصان پہنچانا تھا، تاہم خدا کے فضل سے نقصان صرف سطح زمین پر ہوا اور کوئی جانی نقصان نہیں ہوا۔