نئے پاکستان کے 3 پرانے تکفیری دہشتگرد وقت سے پہلے جہنم پہنچ گئے

شیعہ نیوز (پاکستانی شیعہ خبر رساں ادارہ )عمران خان کے نئے پاکستان میں عوام کو تو کچھ نا ملا البتہ جنت کے دلدادہ تکفیری دہشتگردوں میں جنت حاصل کرنے کی دوڑ میں اضافہ ہوگیا ہے۔

زرائع کے مطابق گزشتہ چند ہفتوں سے عمران خان کے نئے پاکستان کے دارلحکومت پشاور سمیت صوبہ خیبر پختونخوا کے دیگر شہروں میں تکفیری دہشتگرد جنت کے حصول میں کافی تگ و دو کرتے نظر آرہے ہیں، اورانتہا تو یہ ہوگئی ہے کہ تکفیری دہشتگرد وقت سے پہلے جنت حاصل کرنے کی لالچ میں جہنم پہنچ رہے ہیں، جسکی تازہ مثال پشاور میں 3 تکفیری خودکش حملہ آور وں کا ہدف تک پہنچنے سے پہلے خودکش جیکٹ کے دھماکے میں واصلِ جہنم ہونا ہے۔

اطلاعات کے مطابق موٹر سائیکل پر سوار 3 تکفیری خودکش حملہ آور اپنے ہدف کی جانب جارہے تھے کہ اسی دوران پشاور کے علاقے ریگی لالما میں، تکفیری دہشت گردوں میں سے ایک کے پاس موجود خودکش جیکٹ پھٹ گئی، جس کے نتیجے میں تینوں تکفیری دہشتگرد واصلِ جہنم ہوگئے۔سپرنٹنڈنٹ پولیس (ایس پی) کینٹ کاشف ذوالفقار کا کہنا تھا کہ دو موٹر سائیکل سواروں پر سوار 3 تکفیری خودکش حملہ آور پشاور میں ہدف کی طرف جارہے تھے کہ اس دوران ایک تکفیری خودکش حملہ آور کی جیکٹ پھٹ گئی، جس کے نتیجے میں موٹر سائیکلوں پر سوار تینوں تکفیری دہشتگرد موقع پر ہی واصلِ جہنم ہوگئے۔

یاد رہے کہ دو روز قبل بھی پشاور کے نواحی علاقے متھرا میں تکفیری دہشتگردوں کی جانب سے سڑک کنارے نصب 2 ریموٹ کنٹرول بم دھماکوں میں ایک پولیس اہلکار شھید، جبکہ پولیس اور بم ڈسپوزل اسکواڈ کے 11 اہلکاروں سمیت 17 افراد زخمی ہوگئے تھے۔