بٹگرام ،پولیس چیک پوسٹ پرتکفیری دہشتگردوں کا حملہ، مقابلے میں اہم دہشتگرد کمانڈر واصلِ جہنم

شیعہ نیوز ( پاکستانی شیعہ خبر رساں ادارہ )بٹگرام میں سیکیورٹی فورسز کے ساتھ مقابلے میں پولیس چیک پوسٹ پر حملہ کرنے والے کالعدم تکفیری دہشتگرد گروہ کا اہم دہشتگرد کمانڈرجہنم واصل ہوگیا۔ جبکہ اس کے ایک ساتھی دہشتگرد کو زخمی حالت میں گرفتار کرلیا گیا۔

زرائع کے مطابق ڈی پی او بٹگرام راجہ صبور کا پولیس چیک پوسٹ پر حملے کی تصدیق کرتے ہوئے کہنا تھا کہ گزشتہ رات ملک دشمن، اسلام دشمن کالعدم تکفیری دہشتگرد گروہ تحریک طالبان پاکستان (ٹی ٹی پی)تکفیری دہشت گردوں نے تھاکوٹ پولیس چیک پوسٹ پر حملہ کیا، جس کے نتیجے میں ایک اہلکار شہید جبکہ ایک زخمی ہوگیا تھا۔ پولیس اور سی ٹی ڈی کی جوابی فائرنگ سے ایک تکفیری دہشت گرد موقع پر ہی ہلاک جبکہ ایک زخمی ہو گیا تھا۔ پولیس نے زخمی تکفیری دہشت گرد صاحب اللہ کو گرفتار کرکے اس کے قبضے سے بھاری تعداد میں اسلحہ بھی برآمد کرلیا۔

راجہ صبور کا کہنا تھا کہ سیکیورٹی فورسز کی جوابی کاروائی میں جہنم واصل ہونے والے تکفیری دہشت گرد کی شناخت حافظ نثار کے نام سے ہوئی ہے۔ جس کا تعلق کالعدم تکفیری دہشتگرد گروہ تحریک طالبان پاکستان سے تھا۔ جبکہ صوبائی حکومت کی جانب سے اس کے سر کی قیمت 25 لاکھ روپے مقرر تھی۔ تکفیری دہشت گردوں کے قبضے سے دستی بم، کلاشنکوف، 2 پستول اور 300 سے زائد گولیاں بھی برآمد ہوئیں۔